Hanan Ryu Chung - Epilogue: The future of printing

Hér má sjá fallega mynd um bækur og bókagerð. Bækur eru eitt það besta sem fundið hefur verið upp. Það fylgir því mikil öryggistilfinning að hafa góða bók að lesa. Breytir slöppum degi í betri ef maður hefur fallega bók að fletta og skoða á meðan maður minnir sig á afhverju það er eftir allt saman gott að vera til. Svo róandi og nærandi allt í senn. Og oft oft kemst maður að einhverju skemmtilegu í bókum. Aftur og aftur.





Það er undarlega gott að drekka kaffi í bókabúð. Eftir alls konar útúrdúra og heimsóknir hingað og þangað er eftirlætis kaffihús Kaffikerlu Súfirstinn í Máli og menningu á Laugarvegi. Hún kvartar yfir því að kaffið er dýrt en það er alltaf gott og yfirleitt er tónlistin góð og það eru endalausar listaverka, ljósmynda og matreiðslubækur sem hún getur skoðað á meðan hún nýtur kaffisins. Henni finnst hún oft vera búin að ferðast um allan heiminn eftir klukkustundar flett og kaffisötur og er endurnærð eða upphrifin. Ef hún nennir ekki að láta myndirnar gleypa sig getur hún tekið upp bók og lesið svolítið. Best finnst henni eiginlega ef hún smjattar á uppskriftum, á næsta borði er stelpa að lesa og svo á nokkrum eru einhverjir með tölvur að vinna. Það er svo notalegt að hafa fólk í kring um sig sem er að gera eitthvað. Örvandi að hafa bækurnar í umhverfinu.