Afmæli
Ég á afmæli í dag. Ég bara trúi því ekki hvað ég er gömul, þetta er frat og svindl því ég hélt að fólk á mínum aldri væri búið að fatta þetta allt saman en væri ekki svona emdemis miklir kjánar eins og ég er enn. Kannski mun þetta aldrei eldast af mér. Kannski verð ég bara alltaf með hausinn fullan af skýjum og gloríum. Nema auðvitað allt fólk þurfi nauðsynlega að glamra á gítar þegar líður fram í maí, það bara segir mér enginn frá því.
Í gær fór ég í göngutúr út á tangann þar sem Langalína endar og sat þar og naut tónlistar og útsýnisins í dásamlegu veðri. Ég er svolítið hrædd um að karlinn á annarri hæðinni sem fylgist alltaf með mér í göngutúrunum muni á endanum plana að lemja hausnum á mér við stein og henda mér í sjóinn. Hann er kannski geðsjúklingur sem heldur að ég vilji helst dýfa mér í sjóinn en ekki bara sitja þarna í smá stund ein með tónlistinni og gleyma mér í öldum og skýjum. En kannski á hann bara sameiginlega með mér ástina á sjónum og mun koma með kaffibolla til mín og segja mér sögur af sínum skýjakúnstum.
Afmælisdagurinn var auðvitað fullkomnaður með súkkulaði og góðum vinum og fjölskyldu í eldhúsinu. Ungur maður kom meira segja og þvoði gluggana í eldhúsinu á meðan ég var að bardúsa þar ein. Hann var greinilega glaður að sjá einhvern við vinnu og ég var að hugsa um að rukka hann fyrir glápið. Nú eða fækka fötum og gera hann virkilega glaðan. Hann var ekkert ómyndarlegur sko en ég sá það varla því hann góndi svo mikið á mig að ég gat ekki verið að góna á hann líka. En frekar skemmtilegt svona í miðjum bakstri...
Þegar ég var lítil sagði fólk alltaf að ég væri gömul sál. Ég virðist ekkert hafa elst síðan þá. En eitthvað hlýt ég að vera merkileg fyrst yfirvöld hafa ákveðið að gefa öllum frí á afmælisdeginum mínum. Ég vona að allir hafi notið góða veðursins.
Í gær fór ég í göngutúr út á tangann þar sem Langalína endar og sat þar og naut tónlistar og útsýnisins í dásamlegu veðri. Ég er svolítið hrædd um að karlinn á annarri hæðinni sem fylgist alltaf með mér í göngutúrunum muni á endanum plana að lemja hausnum á mér við stein og henda mér í sjóinn. Hann er kannski geðsjúklingur sem heldur að ég vilji helst dýfa mér í sjóinn en ekki bara sitja þarna í smá stund ein með tónlistinni og gleyma mér í öldum og skýjum. En kannski á hann bara sameiginlega með mér ástina á sjónum og mun koma með kaffibolla til mín og segja mér sögur af sínum skýjakúnstum.
Afmælisdagurinn var auðvitað fullkomnaður með súkkulaði og góðum vinum og fjölskyldu í eldhúsinu. Ungur maður kom meira segja og þvoði gluggana í eldhúsinu á meðan ég var að bardúsa þar ein. Hann var greinilega glaður að sjá einhvern við vinnu og ég var að hugsa um að rukka hann fyrir glápið. Nú eða fækka fötum og gera hann virkilega glaðan. Hann var ekkert ómyndarlegur sko en ég sá það varla því hann góndi svo mikið á mig að ég gat ekki verið að góna á hann líka. En frekar skemmtilegt svona í miðjum bakstri...
Þegar ég var lítil sagði fólk alltaf að ég væri gömul sál. Ég virðist ekkert hafa elst síðan þá. En eitthvað hlýt ég að vera merkileg fyrst yfirvöld hafa ákveðið að gefa öllum frí á afmælisdeginum mínum. Ég vona að allir hafi notið góða veðursins.
Ummæli