Silfur

Silfur Egils hefur ekki enn hafið göngu sína og það er ekki gott fyrir heimilsmeðlimi á Strandveginum. Ég strauja yfir þessum þætti sem hefur verið í pásu í allt sumar og allt frekar krumpað af þeim sökum.

Ég er aftur á móti mjög ánægð með að Egill er nú samt að skemmta mér og það með þessum fína bókmenntaþætti. Afskaplega spennandi og ég er viss um að á eftir að hafa áhrif á hvað ég les í framtíðinni. Annars bíða mín örugglega 2000 blaðsíður af lestri. Við höfum verið ansi duglega að kaupa bækur upp á síðkastið. Nú er ég að lesa tvær bækur samtímis sem kallast skemmtilega á. Annars vegar The World Is Flat eftir Thomas Friedman og Bréf til Maríu eftir Einar Má Jónsson. Þessar bækur eru (næstum) fullkomnar andstæður. Afskaplega upplífgandi. Eða þannig. Báðir eru þó sammála um að ef ekki verði róttækar breytingar á þjóðfélaginu fari allt til fjandans.

Annar þáttur sem ég er ánægð með er spurningaþáttur um tónlist í ríkisútvarpinu á sunnudögum. Ætli hann verði ekki straujþátturinn minn ef Egill fer ekki að láta sjá sig!