Ég er að hugsa um að byrja að reykja

til þess að geta sest niður og reiknað hvað ég myndi spara mikið á því að hætta. Hætta að reykja og nota svo sparnaðinn til að borga fyrir þrif á heimilinu mínu af og til. Gott plan?

Finnst ykkur ekki það hljóti að vera eitthvað meira en bogið við heiminn þegar það er talin vera útskúfun úr siðmenntuðu samfélagi að ákveðinn skyndibiti fáist ekki í landinu? Ég skil ekkert í þessu fjaðrafoki. Í tveimur fréttatímum BBC var fjallað um þennan harmleik á Íslandi og mismunandi álitsgjafar fengnir til að rýna í ástandið. Spekúlant að lýsa því að ástandið væri greinilega mjög slæmt á Íslandi og þar fram eftir götunum og svo talað við fólk á Íslandi í öngum sínum yfir því að geta ekki lengur grætt peninga á að selja Íslendingum lélegan innfluttan mat. Og flykkist landinn núna á staðinn til að fá síðasta draslborgarann! Ótrúlegt en satt.